KOI MUJHSE PUCHE…

KOI MUJHSE PUCHE…
wo pata hai bahut hi bahut hi khubsurat hai…
kash koi meri ankhon se puche
wo kitna maasum hai…wo kitna sacha hai…kitna seedha hai…
kash koi mere dil se puche
wo mujhe kitna samjhata hai….wo mere sath hardam hai…
kash koi meri dosti se puche
uski jalan me jo pyar hai….jo wo sabse chupa k rakhta hai….
kash koi mere mann se puche
uski ankhon me jo umeed hai…uske hothon pe jo haya hai…
kash koi meri ankhon se puche
uske hath me jo mamta hai…uske seene me jo apnapan hai…
kash koi meri atma se puche
uske chehre me jo kashish hai…uske hathon me jo tapish hai…
kash koi meri rooh se puche
uski baton me jo bachpana hai…uski hansi me jo shararat hai…
kash koi meri khushi se puche
uske jhooth me jo sach hai….uski har ek naa me jo han hai…
kash koi mere zehen se puche

uski hansi me jo mere jeevan ki khushiyan hai…uski baton me jo meri sansein hai…
kash koi meri dhadkan se puche
uski maang me jo mera sapna hai…uski mehendi me jo apna hai…
kash koi mere jeevan se puche
uski sanson me jo thandhak hai….uske ansuon me jo namak hai…
kash koi meri sanson se puche
uske khoon me jo mere kann hai…uski uljhano me jo meri bechaini hai…
kash koi meri bebasi se puche
uske chehre pe jo masumiyat hai…uski mehek me jo kasak hai…
kash koi meri hansi se puche
uski nazdiki me jo duri hai….uski duri me jo nazdiki hai…
kash koi mere ansuon se puche
uski god me kitna sukun hai…uski mehek me kitna chain hai…
kash koi meri neend se puche
uske mathen ki rekhaon me jo mera kal hai…uski achayi me jo mera aaj hai…
kash koi meri burayi se puche
uske hathon me jo meri lakeerein hai….uski ragon jo mera khoon hai…
kash koi mere akelepan se puche
uske pairon me jo meri kismat hai….uski ek han me jo mere jeevan ka maksad hai…
kash koi meri ankhon se girte in ansuon se puche

uski ek naa me mere jeevan ka ant hai….uske ruth jane me jo meri maut hai…
kash koi meri ragon me behte uske nam k khoon se puche
uske hath me jo gulab hai…uska khat jo mere hath me hai…
kash koi meri laash se puche
uske ek akhiri bar mujhe chune me jo mera MOKSHA hai…KASH KOI MUJHSE PUCHE
MANAS “SAMEER” MUKUL

You are invited to the Inlinkz link party!

Click here to enter


You may also like...

7 Responses

  1. gazab…….quite long……but good effort.

  2. SinghPankaj says:

    i like the flow of emotions more than anything else 🙂

  3. manish says:

    confuse kar rahi hai thodi kuch samhajane lagata huun to palat jati hai

  4. nirmala says:

    udaas lamhon ki naa yaad rakhna toofan mein bhi wajood apne sambhal k rakhna kisi k zindagi k khushi ho tum ussi ke liye hamesha apna khyaal rakhnaaaaaaaa

  5. charu24 says:

    beauuuutttiiifffuuullll…………………..that person is very lucky for whom it is written……………

  6. Anurag Prashant says:

    Dard…..bahut jyada hai!!!!!

  7. Karan Srivastava says:

    awsmm bhai last tym wali ni padhi nt thiss one is awsmmm koi mujse puche kitni khas h ye poem hehehehehe

Love your feedback!